វិគីក្មេងៗ

ដោយWikibooks

រឿងនិទានមនោសញ្ចេតនា៖ ឥទ្ធិពលពិត នៃក្តីស្រលាញ់

លើភពផែនដីយើងនេះ តើមានអ្វីដែលមានឥទ្ធិពល​ជាងក្តី​ស្រលាញ់​​នោះ? ឡៅ ស៊ឺ ទស្សនវិទូបុរាណចិន បាននិយាយថា "បើមានអ្នកណាម្នាក់ ស្រលាញ់អ្នកជ្រាលជ្រៅស្នេហានោះនឹងផ្តល់​កំលាំង​ឲ្យអ្នក...ហើយពេលដែលអ្នកស្រលាញ់អ្នកណាម្នាក់ជ្រាលជ្រៅវិញ ស្នេហានោះនឹង​ផ្តល់​ឲ្យ​អ្នកនូវភាពក្លាហាន"។ ចូររីករាយជាមួយនិទានស្នេហា ដែលអាចធ្វើឲ្យយើងយល់កាន់តែច្បាស់អំពីឥទ្ធិពល នៃក្នុងស្រលាញ់។


…កាលពីឆ្នាំទៅមិញ មិត្តស្រីរបស់ខ្ញុំបានរងគ្រោះថ្នាក់ចរាចរណ៍ ដោយត្រូវរថយន្តបុកពេញទំហឹង។ វេជ្ជបណ្ឌិត បានប្រាប់ថា នាងមិនអាច ក្រោកឈរ ឬដើរបានទេ ពីព្រោះនាងរបួសចង្កេះយ៉ាងខ្លាំង។ គ្រោះថ្នាក់ បានធ្វើ​ឲ្យ​ប៉ះពាល់យ៉ាងខ្លាំងដល់ផ្លូវចិត្ត ក៏ដូចជារាងកាយរបស់នាង។ ពីរខែក្រោយមក នាងបានប្រាប់ខ្ញុំថា នាងសូមទោសដែលមិនអាច បំពេញបំណងរបស់ខ្ញុំបាន ហើយ ថែម ទាំងប្រាប់ឲ្យខ្ញុំចាកចេញពីនាង ហើយ​ទៅ​រកនារីផ្សេងទៀត។ ប៉ុន្តែមិនត្រឹមតែមិនយល់ព្រមជាមួយសំណើរបស់នាង​នោះទេ ខ្ញុំថែមទាំងសុំនាងរៀបការទៀតផង។ គ្រាន់តែឮបែបនេះភ្លាម នាង​ញញឹម ប៉ុន្តែនាងប្រាប់ថា នាងមិនអាចរៀបការទាំងខ្លួននៅជាប់នឹង រទះរុញ​បែបនេះទេ រហូតដល់ពេលនាងអាចដើរបានធម្មតា។ បីថ្ងៃក្រោយមក ខ្ញុំបានបបួលនាងទៅញ៉ាំអាហារពេលព្រឹក ហើយ​រំពេចនោះ សំឡេងបើកទ្វារបានបន្លឺឡើង។ ពេលនោះខ្ញុំក៏មើលឃើញនារី​ម្នាក់​ដែលខ្ញុំស្រលាញ់ នាងដើរតម្រង់មកខ្ញុំ ដោយដំណើរមួយៗ យ៉ាងប្រុងប្រយ័ត្នបំផុត។ ហើយយើងក៏យល់ព្រម រៀបការជាមួយគ្នានៅខែក្រោយ។

ឥទ្ធិពលនៃក្តីស្រលាញ់ គឺខ្លាំងក្លាជាងអាវុធនុយក្លែរអ៊ែរទៅទៀត។ ម្យ៉ាងវិញទៀត រឿងអស្ចារ្យជាច្រើនអាចនឹងកើតឡើង ដូចនេះសូមកុំបាត់បង់ជំនឿរបស់អ្នកឲ្យសោះ។